Амніставаны Алесь Чарнышоў, удзельнік так званай «справы чатырнаццаці», паводле якой былі пакараныя актывісты розных моладзевых арганізацый
на абвінавачанні ў арганізацыі масавых беспарадкаў, што нібыта мелі месца падчас студзеньскіх акцый пратэсту прадпрымальнікаў у 2008 годзе.
Алеся Чарнышова сёння выклікалі ў міліцыю Цэнтральнага раёна Мінска, дзе паведамілі: ён амніставаны.
Прысуд, вынесены ў красавіку 2008 году Алесю Чарнышову, Міхаілу Пашкевічу, Тацьцяне Цішкевіч, Міхаілу Крываву, Алесю Бондару, Арцёму Дубскаму, Алесю Стральцову — 2 гады абмежавання волі без накіравання ў калоніі адкрытага тыпу. Андрэй Кім быў асуджаны на 1,5 года калоніі агульнага рэжыму. Уладзіміру Сяргееву і Антону Койпішу прысудзілі па 3,5 млн рублёў штрафу (па 100 базавых велічыняў).
Таццяна Цішкевіч адразу пасля вынясення прысуду з’ехала ў Польшчу. Арцём Дубскі знаходзіцца ў турме за парушэнне правілаў адбыцьця пакарання.
Каментары