Кошты беларускіх віз у аэрапорце «Мінск» знізяць да ранейшага ўзроўню?
Як паведамлялася раней, з 1 студзеня 2010 года, з уваходжаннем у сілу Асаблівай часткі Падатковага кодэкса,
утрая — з 60 да 180 еўра — узрос кошт віз, якія адкрываюцца ў Нацыянальным аэрапорце «Мінск» грамадзянам з краін, дзе ёсць беларускае консульства. З 60 да 90 еўра ўзрос кошт віз для грамадзян з дзяржаў, дзе беларускага консульства няма.
Прадстаўнікі турбізнесу рэзка адрэагавалі на новаўвядзенне, заявіўшы, што падаражанне віз у аэрапорце пазбаўляе іх магчымасці працаваць з заходнім рынкам.
«Я думаю, што гэта недарэчна.
Можа быць, наша памылка, з нашага боку мы штосьці дзесьці недагледзелі,
— сказаў Качан. — Думаю, будзе прынята адпаведная пастанова, і ўсё гэта будзе вернута на свае месцы. Ужо прапрацоўваем гэтае пытанне. Не тое каб шукаем вінаватых, а проста ўстараняем, спрашчаем».
Пры гэтым міністр адзначыў, што ў асноўным турысты прыязджаюць у Беларусь з краін-суседзяў, карыстаючыся пераважна наземным транспартам. «Гэта [павышэнне кошту віз у аэрапорце] не адаб’ецца моцна. Можа быць, страцім на нейкі час частку турыстаў», — сказаў Качан.Дзмітрый Уласаў, БелаПАН.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі67
Каментары