Марозіва Active Protein стварылі на гродзенскім прадпрыемстве «Малочны свет».
На сайце кампаніі запэўніваюць, што гэта бялковая бомба і ідэальны дэсерт для тых, хто сочыць за сваім харчаваннем і вядзе здаровы лад жыцця. У гэтым марозіве ў тры разы больш бялка і ў тры разы менш калорый, чым звычайна: 12 грамаў бялка і 100 калорый на 100 грам.
Стваральнікі прадукта сцвярджаюць, што ў ім таксама няма ГМА, фарбавальнікаў і кансервантаў, а замест цукру — сукралоза, штучны падсалоджвальнік (харчовая дабаўка Е955).
Марозіва па структуры падобнае на сарбет, прадаецца ў кубачку з лыжкай усярэдзіне. Каштуе яно каля 2,5 рубля і мае два смакі — ваніль і клубніцы.
Пакуль навінку можна знайсці толькі ў некаторых крамах Гродна, Мінска і Мінскага раёна.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі58
Каментары