«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі
Уладзімір Пуцін на прэс-канферэнцыі ў рамках саміту ШАС адказаў на пытанне пра адзіны парламент і адзіную валюту з Беларуссю. На думку Пуціна, казаць пра гэта пакуль заўчасна, паведамляе ТАСС.
«Ці трэба цяпер пераходзіць, як было першапачаткова заяўлена, да стварэння адзінага парламента? Гэта пытанне часу. Я згодны з Аляксандрам Рыгоравічам, трэба як след умацаваць нашыя адносіны ў сферы эканомікі. І тое ж самае тычыцца фінансаў ды адзінай валюты.
У цэлым ніхто не кажа, што гэта немагчыма ці нельга, ці не трэба рабіць. Трэба ж, каб мы для гэтага саспелі эканамічна», — заявіў Пуцін.
Паводле яго слоў, Беларусь і Расія ідуць па шляху, закладзеным у дамове аб стварэнні Саюзнай дзяржавы. Аднак пакуль вырашана засяродзіцца на эканамічных, а не палітычных пытаннях.
Каментары