З 2000 года ён экспанаваўся ў якасці галоўнага аб'екта парку забаў Minsk World.
Былы ваенны карабель доўгія гады стаяў у парку забаў у Шэньчжэне. Пажар на караблі пачаўся падчас рамонтных работ, піша РБК.
На апублікаваных у сеціве відэа бачна, што пажар пачаўся ўначы і ахапіў большую частку крэйсера. На раніцу дым працягваў валіць з рубкі карабля.
«Мінск» быў выведзены са складу Ціхаакіянскага флоту ў 1993 годзе, і ў канцы 1995 годзе быў прададзены на металалом у Паўднёвую Карэю. Аднак праз некалькі гадоў карабель перакупіла кітайская кампанія і ён быў адбуксіраваны ў Шэньчжэнь, дзе з 2000 года экспанаваўся ў якасці галоўнага аб'екта парку забаў Minsk World.
Парк неаднаразова пераходзіў з рук у рукі і ў 2016 годзе быў закрыты пасля таго, як новы інвестар звярнуў яго тэрыторыю пад забудову. У 2016 годзе «Мінск» пасля невялікага рамонту быў перабуксіраваны ў Наньтун, дзе павінен быў увайсці ў склад новага парку забаў, праект якога ў выніку так і не быў рэалізаваны.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі69
Каментары