У «Белдзяржхарчпраме» распавялі, колькі салодкага з'ядаюць беларусы за год.
Беларусы — умераныя ласуны, якія спажываюць кандытарскіх вырабаў у цэлым менш, чым у Расіі і краінах Еўропы. Пра гэта заявіла намеснік начальніка ўпраўлення па вытворчасці прадуктаў харчавання канцэрна «Белдзяржхарчпрам» Аксана Блізнюк, піша БЕЛТА.
Аб'ём спажывання салодкага на душу насельніцтва ў Беларусі ў сярэднім складае каля 23 кг за год. Для параўнання, у Расіі гэты паказчык роўны 25 кг, а ў Еўропе набліжаецца да 32 кг.
Паводле афіцыйнай статыстыкі, беларусы з усіх магчымых пазіцый кандытарскіх вырабаў аддаюць перавагу мучному, спажываючы ў год 5 кг печыва, 1,5 кг вафель і роўна столькі ж пернікаў, 2 кг тартоў і пірожных.
У год жыхары нашай краіны з'ядаюць 3 кг шакаладу і цукерак, у той час як насельніцтва Германіі, Бельгіі, Швейцарыі — 10 кг, расіяне — 3,9 кг, а вось японцы — толькі каля 1 кг.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары