Міліцыянты стралялі ў сямейнага скандаліста, які пайшоў на іх з бензапілой. Ён у шпіталі
Міліцыю на 31-гадовага пляменніка выклікала 60-гадовая жыхарка Івацэвіцкага раёна. Па інфармацыі МУС, яна паведаміла, што сын збівае сваю маці — яе сястру.
Скрын міліцэйскага відэа
Калі нарад прыехаў на месца, мужчына выйшаў да іх з працуючай бензапілой.
«На патрабаванні спыніцца не рэагаваў. Супрацоўнік зрабіў некалькі папераджальных стрэлаў, затым прыцэльны ў нагу», — піша МУС.
На апублікаваным відэа немагчыма разглядзець бензапілу (чуваць яе гук) і няма папераджальнага стрэлу.
Мужчына шпіталізаваны.
На месцы здарэння працавала следча-аператыўная група. Заведзена крымінальная справа за гвалт альбо пагрозу прымянення гвалту ў дачыненні да супрацоўніка органаў унутраных спраў. Санкцыя артыкула прадугледжвае да сямі гадоў пазбаўлення волі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары