Каталіцкага святара з Валожына абвінавацілі па некалькіх артыкулах Крымінальнага кодэкса.
Суд прызнаў яго вінаватым і вынес прысуд — 11 гадоў пазбаўлення волі ў калоніі ўзмоцненага рэжыму, паведамляе katolik.life.
Каталіцкаму святару Генрыху Акалатовічу 64 гады. Апошнім часам служыў у каталіцкім храме святога Язэпа ў Валожыне. Яго затрымалі год таму, 17 лістапада 2023 года.
Акалатовіч раней перанёс інфаркт і хварэў на анкалогію, таму незадоўга перад затрыманнем яму правялі аперацыю на страўніку.
Вернікі раней паведамлялі парталу katolik.life, што Акалатовіча вінавацілі ў тым, што ён камусьці выдаў нейкую таямніцу. Вядома таксама, што аб'ём шкоды, які выставілі святару, нібыта сягае мільёна даляраў. Пісалі і пра тое, што канфіскавалі не толькі асабістыя грошы святара, але і грошы парафіі.
Судзіць яго меўся Уладзімір Арэшка. Гэта той жа суддзя, што прысудзіў 8 гадоў Эдуарду Бабарыку, велізарныя тэрміны фігурантам справы пра «захоп улады» (Кастусёў, Фядута, Зяньковіч), шэсць гадоў за данаты маладзечанцу Аляксандру Верасовічу.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»24
Каментары
Але паясніце (хаця б самым сабе), якім бокам вы збіраецеся прадаць на Захад нейкае падабенства "лібералізацыі", "вяртання да нармальнасці" для пачатку дыялогу, скасавання санкцый? Чаго эмісараў тыпу Мельянцова, Дзмітрыева адпраўлялі па еўропах? Каб потым вось так абас.ца? Здавалася, нельга ж быць такімі крэтынамі! Не, толькі здавалася. Гэты "прысуд" - удар для ўсёй хрысціянскай супольнасці Беларусі (я праваслаўны) і ганьба для Ватыкана, што сваімі пацалункамі ў дзясны з рэжымам яны давялі да такіх наступстваў.
Пяты год ідзе, а такія навіны дагэтуль цяжка чытаць і неяк укладваць настолькі жорсткі трэш у галаве. Шчыра зычу трываласці і моцы сям'і!
Улада схапiла закладнiка, ен не сам па себе, а есць часткай магутнай уплывовай ды багатай супольнасцi. Таму выкуп за яго мусi быць вялiкi. Прысуд гэта тая цана, якую улада можа адкрыта абвясцiць, зараз яна будзе чакаць на прапазыцыi.
Мы не самотны.