Рэгіянальная газета «Гоман Барысаўшчыны» закрываецца праз 30 гадоў існавання. Выданне асвятляла падзеі горада Барысава і раёна.
Першы нумар выйшаў у жніўні 1996 года. Рэдакцыя характарызавала новае медыя як «сканцэнтраванне разнастайных думак і шматбаковай інфармацыі аб гісторыі, сучаснасці і будучыні нашага краю». У газеце было тры асноўныя тэматычныя складнікі: эканамічны, грамадска-палітычны і культурніцкі.
Напачатку гэтае беларускамоўнае выданне мела ўсяго на чатыры старонкі і выходзіла нерэгулярна. Пасля яго аб’ём дарос да 16 старонак. Чытачы маглі набываць газету штомесячна.
Галоўным рэдактарам «Гомана Барысаўшчыны» быў Міхась Мацельскі. Заснавальнікамі выдання выступалі, акрамя галоўнага рэдактара, І. Белы, У. Буйко, У. Дубаневіч, М. Пучыла.
Каментары