Падчас пажару ў Смалявіцкім раёне загінула былая супрацоўніца «Беларусьфільма»
У ноч з 11 на 12 студзеня ў дачным доме на тэрыторыі садовага таварыства каля вёскі Арэшнікі Смалявіцкага раёне адбыўся пажар. Падчас яго тушэння ратавальнікі знайшлі загінулую — 64‑гадовую маці ўладальніцы гэтага дома.
Алена Руднева. Фота з сацсетак
Прычыны ўзнікнення пажару, а таксама абставіны гібелі жанчыны пакуль высвятляюцца.
З паведамленняў у сацсетках вынікае, што загінулай была Алена Руднева, якая доўгі час працавала асістэнткай кінарэжысёра акцёрскага аддзела на кінастудыі «Беларусьфільм».
Апошнім часам жанчына актыўна займалася ратаваннем бяздомных жывёл, нямала гадаванцаў былі ў гэтую ноч пры ёй і загінулі разам з ёй.
Каментары