Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Спачатку 31‑гадовага Леаніда Скробатава кантузіла на перадавой. Калі падлячылі, зноў адправілі на фронт. А там і імітаваць смерць не спатрэбілася.
Леанід Скробатаў нарадзіўся ў вёсцы Шчаткава пад Бабруйскам 16 снежня 1994 года.
Яшчэ ў маладосці, у 2014 годзе, ён трапіў у поле зроку сілавікоў: хлопца абвясцілі ў вышук за тое, што быў вінен дзяржаве каля $10 тысяч.
Скробатаў спрабаваў схавацца арыгінальным чынам — пісаў у сацсетках допісы «Я памёр» і «Леаніда Скробатава больш не існуе», спадзеючыся ўвесці міліцыянераў у зман. Паралельна ён стварыў некалькі фэйкавых старонак.
Гэта не дапамагло: яго знайшлі і прысудзілі хімію.
Пасля адбыцця пакарання Леанід працаваў будаўніком, ездзіў на шабашкі ў Расію. Паспеў прайсці тэрміновую службу ў вайсковай часці 12147.
У 2022 годзе беларус канчаткова перабраўся ў Расію. Спачатку шукаў жыллё ў Маскве, пасля асеў у Краснадары. Ён працягваў працаваць на будоўлях, пакуль не вырашыў змяніць рыштунак на вайсковую форму.
Летам 2024 года Скробатаў завербаваўся на вайну супраць Украіны. У снежні 2024 года беларус трапіў у шпіталь з кантузіяй.
Але пасля лячэння яго вярнулі на перадавую. Апошні раз Скробатаў быў анлайн у сакавіку 2025 года. Пра смерць найміта стала вядома толькі ў лістападзе 2025-га.
«Наша Нiва» — бастыён беларушчыны
ПАДТРЫМАЦЬ
Каментары