«Адкуль вы ўсе?!» Слава Камісаранка быў ашаломлены складам гледачоў на сваім канцэрце ў ЗША
Падчас амерыканскага тура беларуская зорка стэндапу Слава Камісаранка адчуў сябе так, быццам не выязджаў з Беларусі. Што яшчэ больш неймаверна, большасць гледачоў на канцэрце былі з аднаго і таго ж беларускага горада.
На сваім нядаўнім шоу «Дзякуй, у мяне ўсё» ў Амстэрдаме Слава Камісаранка падзяліўся гісторыяй са сваіх амерыканскіх гастроляў. Паводле яго назіранняў, колькасць нашых суайчыннікаў у самых нечаканых месцах планеты пачала пераходзіць усе межы.
Выступаючы ў гарадах ЗША, Камісаранка вырашыў праверыць склад аўдыторыі. Калі ён са сцэны вымавіў назву «Беларусь», рэакцыя залы была настолькі гучнай, што комік разгубіўся.
«І атрымліваецца, што я выступаю ў Атланце ці ў Тампе — я, карацей, не памятаю — але прыкол у тым, што я проста нешта кажу-кажу… Кажу: «Беларусь», і зала такая: «У-у-у!» І я такі: «О, тыпу, сёння шмат беларусаў! Паапладзіруйце, беларусы!»
І амаль уся зала — а там было чалавек пад 700 проста, чалавек 500 пляскае: «У-у-у!» І я такі: «Блін, прыкольна, як шмат беларусаў».
Слава прапанаваў гледачам інтэрактыў: на лік «тры» выкрыкнуць назву свайго роднага горада. Артыст, відавочна, чакаў пачуць рознагалоссе з Мінска, Брэста, Гомеля і г.д., але адбылося нечаканае.
«Я такі: «Рабяты, з якога вы горада? Проста крычыце ўсе свае гарады! Раз, два, тры!» І зала такая: «ГРОДНА!!!»
Слава адрэагаваў з гумарам: «Блін, што адбываецца наогул?! Чаму вы не з картай паляка ў Польшчы наогул усе?»
На пытанне, як так адбылося, яму патлумачылі:
— У нас там пару сем'яў паехалі, адзваніліся, кажуць: «Усё нармальна, пад'язджайце».
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
Мне один беларус, лет 10 назад с пеной у рта доказывал, что моя сестра, получившая карту поляка - здрадніца, яна здрадзіла сваей раздіме, яна ужо не беларуска. А зараз той самый беларус з картай паляка у той самай Польшцы жыве, і ен не здраднік ужо.