Стала вядома пра затрыманне мазырскага праваабаронцы і грамадскага актывіста Уладзіміра Целяпуна. Паводле папярэдняй інфармацыі, яго ўзялі пад варту некалькі дзён ці каля тыдня таму, піша «Гомельская вясна».
Мяркуецца, што Уладзімір Целяпун знаходзіцца ў ізалятары часовага ўтрымання Мазырскага РАУС. Дакладныя прычыны і прававая падстава для яго затрымання пакуль высвятляюцца.
Уладзімір Целяпун вядомы ў рэгіёне сваёй дзейнасцю па абароне правоў чалавека, у тым ліку права на мірныя сходы. У 2019 годзе ён таксама актыўна дапамагаў сем’ям, якія выхоўваюць дзяцей з інваліднасцю, калі тыя адстойвалі права на працу рэабілітацыйнага цэнтру «Вясёлка».
Раней Уладзімір Целяпун неаднаразова затрымліваўся па адміністрацыйных артыкулах, апошні раз пра гэта паведамлялася ў студзені 2025 года.
Цяпер чытаюць
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю1
Каментары