На беларускай біржы сталі прадаваць агрэст, парэчкі, бружмель і юку шыдзігера
У красавіку на Беларускай універсальнай таварнай біржы пашырыўся пералік сыравіны для вытворчасці харчовых прадуктаў, якую закупляюць айчынныя прадпрыемствы. Падрабязнасці паведамілі Office Life прадстаўнікі пляцоўкі.
Да ўжо прадстаўленых на таргах больш чым 300 пазіцый дадаліся парэчкі, агрэст, глазура для марозіва, арэхі кеш’ю, бружмель і экстракт расліны юка шыдзігера. Па ўсіх гэтых таварах ужо заключаны біржавыя здзелкі.
Прадстаўнікі біржы падкрэслілі, што на пляцоўцы няма «выпадковых» тавараў. Уключэнне любой новай пазіцыі ў пералік дапушчаных да біржавых таргоў — гэта вынік глыбокага аналізу рынку і комплекснай ацэнкі тавару паводле крытэрыяў запатрабаванасці, ліквіднасці і маштабаванасці.
Паводле даных БУТБ, за студзень — красавік сума здзелак па рэалізацыі харчовай сыравіны на ўнутраным рынку дасягнула 47 млн рублёў, што ў 1,7 раза больш за аналагічны паказчык 2025 года. За гэты перыяд здзелкі па куплі тавараў дадзенай групы здзейснілі 68 кампаній, а па продажы — 132. У студзені — красавіку 2025 года такіх кампаній было 53 і 81 адпаведна.
Дарэчы, у гэтым годзе найбольшыя аб’ёмы продажаў прыйшліся на рафінаваны алей, комплексныя харчовыя дабаўкі, закваску для вытворчасці малочных прадуктаў, фруктовае і агародніннае пюрэ, харчовую лактозу, пекцін, бярозавы сок і араматызатары.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»21
Каментары