Вальфовіч параіў, як Германіі і Польшчы падняць эканоміку: Лепш бы яны куплялі камбайны і трактары
Дзяржсакратар Рады бяспекі Аляксандр Вальфовіч выказаўся пра нямецкую і польскую эканомікі і іх траты на войска.
«Германія заявіла пра тое, што хоча стварыць самае моцнае войска ў Еўропе колькасцю звыш 450 тысяч чалавек. Яна ўпершыню пасля Вялікай Айчыннай вайны пачала падаваць голас і заяўляць пра сябе як пра самую магутную краіну. Але ў іх эканоміка рушыцца, яны закрываюць нармальныя заводы. Пагаршаюцца сацыяльна-эканамічныя ўмовы жыцця еўрапейскіх грамадзян. Хацелася б, каб і польскае, і нямецкае кіраўніцтва, ды і наогул еўрапейскае паглядзела на мірныя пытанні, на развіццё сацыяльна-эканамічных пытанняў перш за ўсё», — сказаў ён тэлеканалу «Беларусь 1».
«Спаборнічаюць навыперадкі, хто больш купіць танкаў. Лепш бы яны куплялі камбайны і трактары для таго, каб вырошчваць хлеб», — параіў Вальфовіч.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі83
Каментары