Беларусь і Літва плануюць рэалізаваць сумесны праект па будаўніцтве тэрмінала па разрэджванні газу
Пра гэта паведаміў прэм’ер‑міністр Беларусі Сяргей Сідорскі 28 чэрвеня падчас адкрыцця ў Мінску гіпермаркета »Ома», пабудаванага з удзелам літоўскага капіталу. На адкрыцці прысутнічаў прэм’ер‑міністр Літвы Андрус Кубілюс.
«Адным з кірункаў энергетычнай стратэгіі Беларусі з’яўляецца выхад на будаўніцтва тэрміналаў па разрэджванні газу», — сказаў Сідорскі. Ён падкрэсліў, што беларускі бок зацікаўлены ў рэалізацыі гэтага праекта менавіта з літоўскімі калегамі.
«Мы можам аб’яднаць фінансавыя рэсурсы, з тым каб у порце Клайпеды пабудаваць завод па разрэджванні газу і дастаўцы яго па газатранспартнай сістэме ў Беларусь. 285 кіламетраў магістральнага трубаправода — невялікія затраты. Праект з’яўляецца акупным і вельмі эфектыўным. Магчыма, найбліжэйшым часам мы зможам яго рэалізаваць», — заявіў беларускі прэм’ер.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»10
Каментары