Невядомыя пашкодзілі прыдарожны шчыт з палітычнай рэкламай Руху «За Свабоду», усталяваны на беларуска-украінскай мяжы.
Білборд з'явіўся на памежным пераходзе «Даманава−Макраны» з боку Украіны ў канцы ліпеня.
У кіраўніцтве Руху «За Свабоду» мяркуюць, што яго размяшчэнне замовілі прыхільнікі Аляксандра Мілінкевіча, якія жывуць ва Украіне.
Максім Сідорчанка, прадстаўнік фірмы, якая ўсталёўвае прыдарожную рэкламу, запэўніў, што ў бліжэйшы час сітуацыя будзе выпраўлена і пашкоджаны шчыт адновяць.
Паводле ўкраінскіх адмыслоўцаў, месца для усталявання білборда выбрана вельмі ўдала. У летні перыяд вялікая колькасць беларусаў кіруецца ва Украіну па справах бізнесу, на адпачынак, альбо транзітам. У выходныя дні на памежным пераходзе «Даманава−Макраны» выстройваецца кіламетровая чарга машынаў, што вяртаюцца ў Беларусь.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары