15 лістапада Мінск наведвае еўракамісар Штэфан Фюле. Гэта другі візіт чыноўніка ў нашу краіну.
15 лістапада Мінск наведвае еўракамісар Штэфан Фюле. Гэта другі візіт чыноўніка ў нашу краіну. Упершыню сюды Фюле прыязджаў у ліпені.
Гэтым разам еўракамісар вырашыў не сустракацца з кандыдатамі ў прэзідэнты. Раніцай у яго было спатканне з прадстаўнікамі грамадзянскай супольнасці. У гатэлі «Еўропа» прысутнічала больш за пяцьдзесят чалавек.
Пасля чаго Фюле даў невялікую прэс‑канферэнцыю. Чыноўнік паведаміў, што ўжо зараз краінамі ЕС пачалося абмеркаванне сумеснага прамежкавага плану адносна Беларусі.
Сярод іншага гэты план змяшчае і пытанне змякчэння візавага рэжыму ў дачыненні грамадзян Беларусі. Перамовы пачаліся ўжо зараз. Прычым, рашэнне не будзе залежыць ад палітычнай сітуацыі ў краіне.
Фюле зазначыў, што бачыць некаторы прагрэс у Беларусі. Напрыклад, адносна рэгістрацыі кандыдатаў ці збору подпісаў. Тым не менш, пытанні застаюцца па фарміраванні выбарчых камісіі і датэрміновым галасаванні.
У МЗС Беларусі адбылася сустрэча міністра Сяргея Мартынава з еўракамісарам Штэфанам Фюле. Фюле сказаў: «Мы паразмаўлялі на тэму грамадзянскай супольнасці з маім сябрам Сяргеем Мартынавым».
«Мы імкнемся да развіцця грамадзянскай супольнасці і хочам шчыльнейшых адносін з беларускім грамадствам. Менавіта таму Еўракамісія і вырашыла пачаць перамовы зь Беларуссю аб спрашчэнні візавага рэжыму і рэадмісіі.
Пасля таго як гэтае пытанне будзе разгледжанае, беларусы змогуць ездзіць у краіны Еўрасаюза прасцей і танней», — дадаў Фюле.
Перад сустрэчай з Мартынавым Фюле заявіў, што спрашчэнне візавага рэжыму не будзе звязвацца або абумоўлівацца палітычнымі пытаннямі.
Штэфан Фюле таксама паведаміў, што падчас размовы з Мартынавым сказаў, што ЕС чакае ад Беларусі правядзегня прэзідэнцкіх выбараў у адпаведнасці са стандартамі БДІПЧ.
«Гэта дазволіць паглыбіць дачыненні паміж ЕС і Беларусьсю», — адзначыў еўракамісар.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»24
Каментары