Літоўскія інтэлектуалы: Грыбаўскайце, зрабіце ўсё, каб вызваліць палітвязняў
Літоўскі філёзаф, дэпутат Эўрапарлямэнту Леанідас Донскіс разам з чатырма дзясяткамі прадстаўнікоў акадэмічнага сьвету Літвы зьвярнуўся з адкрытым лістом да прэзыдэнта Далі Грыбаўскайце, заклікаючы яе ўжыць усе захады для вызваленьня Аляксандра Фядуты ды іншых вязьняў менскага рэжыму.
«Дзеля таго, што Аляксандар Фядута — часты і жаданы госьць на арганізоўваных у Літве навуковых канфэрэнцыях, лектар Эўрапейскага гуманітарнага ўнівэрсытэту, які працуе ў Літве, чалавек, які пасьлядоўна падтрымлівае дэмакратычныя працэсы, што адбываюцца ў Літве, мы выказваем занепакоенасьць яго лёсам, тым больш што А.Фядута мае слабое здароўе. Мы безумоўна занепакоеныя лёсам і іншых затрыманых, аднак за А.Фядуту перажываем асабліва, бо будучы хворым чалавекам, гэты навуковец можа ня вытрымаць цяжару арышту», — гаворыцца ў лісьце.
Пад адкрытым лістом падпісаліся вядомыя ў Літве навукоўцы, унівэрсытэцкія выкладчыкі, літаратары.
У аўторак 28 сьнежня ў 17.00 ў галерэі Мастакоў старога гораду (Senamiesčio menininkų galerija, Totorių, 22) у Вільні літоўскія паэты і перакладчыкі ладзяць чытаньні салідарнасьці зь беларускімі літаратарамі.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»25
Каментары