У Францыі байцы паліцэйскіх атрадаў спецыяльнага прызначэння апошнімі днямі пачалі беспрэцэдэнтныя акцыі пратэсту супраць планаў МУС Францыі па скарачэнні штатаў,паведамляе французскае радыё RFI са спасылкай на паліцэйскія прафсаюзы.
«Рэспубліканскія роты бяспекі» (CRS) у Францыі забяспечваюць парадак падчас масавых мерапрыемстваў.
Не маючы па законе права на страйк, байцы французскага спецназа звяртаюцца да іншых формаў пратэсту:яны адмаўляюцца прымаць ежу, а таксама ў масавым парадку звяртаюцца па бальнічныя лісты.
У адной з трох ротаў CRS Марсэля ў суботу 29 студзеня агульны сход прыняў рашэнне пачаць галадоўку. На знак салідарнасці ў нядзелю адмовіліся ад ежы байцы атрада спецыяльнага прызначэння ў Страсбургу. У Перпіньяне ў пятніцу 28 студзеня рота CRS у поўным складзе звярнулася да медыкаў са скаргамі на кепскае самаадчуванне: у суботу вечарам паліцыянты мусілі сачыць за бяспекай на футбольным матчы. У нядзелю адразу 50 супрацоўнікаў узялі бальнічныя ў адным з марсэльскіх падраздзяленняў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары