Кіраўнік штаба Някляева адказаў на закіды АНТ.
На тэлеканале АНТ у перадачы «Контуры» з’явіўся сюжэт прысвечаны кіраўніку штаба Уладзіміра Някляева Андрэю Дзмітрыеву. Расказвалася, колькі кватэр, машын, участкаў набыў Дзмітрыеў за апошні год. А таксама колькі разоў ён лётаў за мяжубізнэс-класам .
Паводле інфармацыі тэлеканала, за апошні год Андрэй Дзмітрыеў набыў кватэру ў элітным доме за 200 тысяч даляраў, пляц пад дом пад Мінскам, а таксама аўтамабілі «Лексус» 2006 года і «Таёта» 2005 года.
На жаль, «НН» не ўдалося звязацца з аўтарамі рэпартажу АНТ каб атрымаць ад іх дакументальныя доказы таго, што спадар Дзмітрыеў валодае такой маёмасцю. У
Сам Андрэй Дзмітрыеў у гутарцы з карэспандэнтам «НН» назваў рэпартаж АНТ «кінастужкай пра тры магнітафоны і тры партсігары імпартныя».
Паводле яго словаў, у сюжэце АНТ быў паказаны аўтамабіль блізкіх яму людзей, а ён валодае толькі адным аўтамабілем і адной двухпакаёвай кватэрай. «Прапаганда спрабуе згуляць на зайздрасці. Маўляў, людзі павінны зайздросціць апазіцыянерам, бо тыя могуць мець машыны і кватэры. Але я спадзяюся, што гэтага не будзе. Я нармальны чалавек, мне 30 гадоў, чаму я не магу мець аўтамабіль і кватэру?»— гаворыць былы кіраўнік штабу Някляева.
Андрэй Дзмітрыеў судзіцца з АНТ не збіраецца і лічыць такія сюжэты спробай ачарніць як яго асабіста, так і апазіцыю ўцэлым. «Я не пакрыўдзіўся на іх. Не збіраюся падаваць у суд і не лічу, што з гэтым варта лічыцца. З іншага боку, хацелася б пабачыць сюжэты аб маёмасці беларускіх чыноўнікаў. Там ёсць што паказаць», — зазначыў А.Дзмітрыеў.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі67
Каментары