А пры праясненнях да мінус 22°С.
Згодна з прагнозам Рэспубліканскага гідраметэацэнтра, у найбліжэйшыя суткі ў Беларусі воблачна, ноччу з праясненнямі. Ноччу па заходняй палове, а днём на значнай частцы тэрыторыі снег, завіруха.
Раніцай і днём па Брэсцкай і Гродзенскай абласцях ападкі (мокры снег, дождж), слабы галалёд.
У дзённыя гадзіны па Мінскай і Віцебскай абласцях снег моцны.
На асобных участках дарог галалёдзіца. Вецер ноччу пераменных напрамкаў, днём паўднёва-ўсходні 5—10 м/с, раніцай і днём парывы да 14 м/с. Тэмпература паветра ноччу мінус 3—9°С, па паўночна-ўсходняй палове мінус 10—15°С, у Віцебскай і Магілёўскай абласцях пры праясненнях да мінус 16—18°С; днём ад мінус 9°С па паўночным усходзе да плюс 4°С па паўднёвым захадзе.
У наступныя двое сутак па краіне чакаецца воблачна з праясненнямі. 12 лютага часам снег, мяцеліца, ноччу месцамі моцны снег. На асобных участках дарог галалёдзіца. Вецер паўночнай чвэрці 5—10 м/с, месцамі парывы да 15—20 м/с. Тэмпература паветра ноччу мінус 9—16°С, па поўначы Віцебскай вобласці пры праясненнях да мінус 20°С, па паўднёвым усходзе мінус 2—7°С; днём ад мінус 4°С па захадзе да мінус 14°С па паўночным усходзе краіны.
13 лютага месцамі кароткачасовы снег, слабая мяцеліца. На асобных участках дарог галалёдзіца. Вецер паўночна-заходні, паўночны 4—9 м/с, ноччу па паўднёвым усходзе месцамі парывы да 15—18 м/с. Чакаецца ўзмацненне маразоў.
Тэмпература паветра ноччу мінус 13—20°С, па Віцебскай вобласці пры праясненнях да мінус 22°С, днём мінус 11—18°С;
па паўднёвым захадзе ноччу да мінус 9—12°С, днём мінус 5—10°С.
У Мінску ў пятніцу, 11 лютага, ноччу без істотных ападкаў, раніцай і днём снег, мяцеліца. У дзённыя гадзіны часам моцны снег. На асобных участках дарог галалёдзіца. Вецер ноччу пераменных напрамкаў, днём паўднёва-ўсходні 5—10 м/с, раніцай і днём парывы да 14 м/с. Тэмпература паветра ноччу мінус 7—9°С, днём мінус 2—4°С.
У суботу, 12 лютага, у сталіцы часам снег, мяцеліца. На асобных участках дарог галалёдзіца. Вецер паўночна-ўсходні, паўночны 5—10 м/с, днём парывы да 15—17 м/с. Тэмпература паветра ноччу мінус 10—12°С, днём мінус 8—10°С.
Каментары