У Мінску адмянілі бясплатныя праязныя білеты для шматдзетных маці
У Мінску адмянілі бясплатныя праязныя білеты для шматдзетных жанчын, узнагароджаных ордэнам маці.Пра гэта паведаміла намеснік старшыні камітэта па працы, занятасці і сацыяльнай абароне насельніцтва Мінгарвыканкама Наталля Праскурава 2 сакавіка на
Паводле яе слоў, праязныя білеты для шматдзетных маці, узнагароджаных ордэнам маці, аплачваліся з гарадскога бюджэту. У ліпені 2010 года набыў моц закон «Аб мясцовым кіраванні і самакіраванні ў Беларусі», у адпаведнасці з якім цяпер гарсавет можа падтрымліваць толькі ветэранаў, пенсіянераў, інвалідаў і дзяцей. Калі шматдзетная маці не адносіцца да адной з гэтых катэгорый, то гарсавет не можа аказваць ёй падтрымку.
Як заявіла Праскурава, для таго, каб кампенсаваць адмену бясплатных праязных білетаў для шматдзетных маці, з ліпеня 2010 года было вырашана аплачваць бясплатны праезд на грамадскім транспарце школьнікам са шматдзетных сем’яў, дзе выхоўваецца пяць і больш дзяцей. Пры гэтым у першай палове снежня 2010 года бясплатны праезд атрымалі ўсе школьнікі.
Паводле слоў Праскуравай, пытанне пра бясплатныя праязныя білеты для шматдзетных маці можа быць вырашанае толькі на рэспубліканскім узроўні. 16 сакавіка ў Мінску будзе арганізаваны семінар для Палаты прадстаўнікоў Нацыянальнага сходу, на якім старшыня Мінгарвыканкама Мікалай Ладуцька аб’явіць прапановы па ўнясенні змен у заканадаўчыя акты на рэспубліканскім узроўні. Праскурава не выключае, што ў іх ліку можа быць пытанне пра бясплатны праезд на грамадскім транспарце для шматдзетных маці.
Паводле яе слоў, яшчэ адна праблема для шматдзетных маці — прызначэнне пенсій. Жанчына, у якой шмат дзяцей, большую частку свайго працаздольнага ўзросту знаходзіцца ў дэкрэтным адпачынку, даход у яе малы, у адпаведнасці з ім і пенсія атрымліваецца «мізэрнай».
Як паведаміла спецыяліст, сёння ў Мінску налічваецца 5 тыс. 460 шматдзетных сем’яў, у апошнія гады іх лік паменшыўся. З 2006 года прынята рашэнне аб уручэнні ордэна маці жанчыне, якая нарадзіла і як мае быць выхавала пяцярых і больш дзяцей. За пяць гадоў па Мінску ўручаны 362 ордэны маці, летась гэтай узнагароды ўдастоена 35 жанчын.
-
Ніводнага мінскага, гомельскага, італьянскага ці французскага. Затое ў Магілёве будуюць ужо чацвёрты расійскі дворык, гэтым разам — з мядзведзем
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі66
Каментары