Французскі суд пастанавіў забараніць публікацыі, перадрук і іншы распаўсюд фатаграфій напаўаголенай герцагіні Кембрыджскай.
Пракуроры пакуль яшчэ вывучаюць гэтую справу з тым, каб высветліць, ці маюцца падставы для прад’яўлення абвінавачванняў крымінальнага характару фатографу, які сфатаграфаваў Кейт топлес падчас адпачынку каралеўскай пары ў адным з французскіх замкаў.
Суд запатрабаваў, каб італьянскае выдавецтва Mondadori на працягу сутак выдала арыгіналы лічбавых фатаграфій. Парушальнікам гэтага судовага рашэння пагражае штраф у тысячу еўра.
Заяву ў пракуратуру аб завядзенні крымінальнай справы падалі герцаг і герцагіня Кембрыджскія.
З дапамогай асобнага грамадзянскага пазову, які, як чакаецца, будзе пададзены пазней, муж і жонка маюць намер дамагчыся канфіскацыі з продажу накладу часопіса Closer, які апублікаваў скандальныя фота.
Часопісу можа пагражаць штраф у памеры дзясяткаў тысяч еўра, а яго рэдактару — турэмны тэрмін.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі82
Каментары