Парламентарыі краін НАТО заклікалі Беларусь, Расію і Украіну расследаваць факты парушэнняў на выбарах
Парламенцкая асамблея НАТО заклікала ўлады Беларусі, Расіі і Украіны расследаваць факты парушэнняў на выбарах, што прайшлі ў гэтых краінах. Такі заклік утрымліваецца ў рэзалюцыі, прынятай на58-й сесіі ПА НАТО, якая праходзіла 9–12 лістапада ў Празе, паведамляепрэс-служба арганізацыі.
Парламентарыі краін Паўночнаатлантычнага альянсу заклікалі Беларусь, Расію і Украіну выканаць рэкамендацыі, зробленыя міжнароднымі арганізацыямі, якія назіралі за ходам выбарчых кампаній у трох краінах.
Апрача таго, рэзалюцыя заклікае Беларусь, Расію і Украіну неадкладна вызваліць усіх палітычных зняволеных (канкрэтныя імёны ў дакуменце не называюцца).
У рэзалюцыі таксама ўтрымліваецца заклік да краін — членаў НАТО «падтрымаць дэмакратыю ў краінах Усходняй Еўропы, асабліва ў Беларусі, Грузіі, Расіі і ва Украіне».
Нагадаем, АБСЕ не прызнала парламенцкія выбары, што прайшлі 23 верасня ў Беларусі, свабоднымі і дэмакратычнымі. «Многія абавязацельствы ў межах АБСЕ па дэмакратычных правах грамадзян на свабоднае вылучэнне кандыдатаў і магчымасць свабодна выказваць меркаванне не былі выкананыя. Выбары не праводзіліся справядліва, а працэс падачы скаргаў і апеляцый не гарантаваў эфектыўнага сродку абароны», — гаварылася ў дакладзе назіральнікаў АБСЕ па выніках выбараў.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары