БТ вачыма беларуса
Вуліца Макаёнка вядзе ў Бухарэст
Як і меркавала «НН», Рыгора Кісяля адправілі нарэшце ў Эўропу — амбасадарам у Румынію. Ён і сам даўно прасіўся; дамова была, што, як падрыхтуе некалькі новых праграмаў, дык, можа, і адпусьцяць. Але сам, кажуць, спадзяваўся на выезд у Прагу — хоць і Бухарэст лепшы за няўдзячны Менск. Кандыдытаў на Кісялёву пасаду цяпер два — Ягор Рыбакоў, біл-гейц магілёўскага тэлебачаньня, і Аляксандар Саламаха. Першы вядомы тым, што на працы ажыцьцяўляў прынцып: «Не падабаецца — выкінем на вуліцу ды з вуліцы набярэм новых». Саламаха — былы галоўны рэдактар газэты «Знамя юности», пры якім наклад паменшаў з 800 тыс. да 80 тыс.
Зразумела, што абедзьве кандыдатуры на кіраўніка БТ дзіўныя, але ў тым і рэч, што сапраўдны кіраўнік БТ у нас зусім іншы. У Рыбакова ці Саламахі галоўным будзе толькі своечасова ўставаць на «Зважай!» І слухаць, што ім загадае афіцыйны куратар усіх дзяржаўных СМІ ды неафіцыйны кіраўнік БТ палкоўнік Замяталін.
Арцём Лук’яновіч
Цяпер чытаюць
Кобрынца, які застаўся без нагі пасля выбуху машыны, пасадзілі за кантакт з журналістамі. Пасля вызвалення ён расказаў сваю гісторыю1
Каментары