У КХЛ будзе выступаць харвацкі «Медвешчак»
У Кантынентальнай хакейнай лізе з наступнага года будуць выступаць два новыя клубы - каманда з расійскага Уладзівастоку і заграбскі «Медвешчак».
29 красавіка адбылася сустрэча прэзідэнта КХЛ Аляксандра Мядзведзева і кіраўніцтва «Медвешчак».
***
«Медвешчак» з'яўляецца адным з найбольш вядомых клубаў Цэнтральнай Еўропы. Ён быў заснаваны ў 1961 г. і выйграў тры апошнія чэмпіянаты Югаславіі (1989, 1990, 1991). 18 разоў станавіўся чэмпіёнам Харватыі па хакеі: 1995, 1997-2007, 2009-2013).
З 2009 г. бярэ ўдзел у Аўстрыйскай хакейнай лізе*.
У сезоне 2012-2013 Аўстрыйскай хакейнай лігі у рэгулярным чэмпіянаце фінішаваў на 2-м месцы (44 гульні), толькі адно ачко саступіўшы лідару «Вене», але ў плэй-оф выбыў у чвэрцьфінале, прайграўшы «Зальцбургу» ў серыі з лікам 3:2.
За «Медвешчак» гуляе шмат канадцаў і амерыканцаў, што маюць харвацкія пашпарты.Адна з арэнаў клуба - «Заграб Арэна» - адна з найбольшых у Еўропе, амаль як у Мінску, бо змяшчае 15 тыс. гледачоў.
*
- Аўстрыйская хакейная ліга -- адкрыты чэмпіянат, у якім бярэ ўдзел 12 камандаў, у тым ліку па адной харвацкай, венгерскай, чэшскай і славацкай.