У КНДР амерыканца пасадзілі на 15 гадоў
Паўночнакарэйскі суд прысудзіў амерыканскага грамадзяніна да 15 гадоў пазбаўлення волі, паведаміла агенцтва навінаў КНДР.
Кенэт Бэй, якога ў Пхеньяне называюць Ба Хун Хо, заехаў на тэрыторыю Паўночнай Карэі як турыст у лістападзе мінулага года.
Амерыканец быў абвінавачаны ў спробе звяржэння камуністычнага рэжыму. Як сцвярджаюць СМІ КНДР, ён «прызнаў віну».
Вердыкт па справе Кенэта Бэя вынесены на фоне абвастрэння адносін Пхеньяна і Вашынгтона, выкліканага паўночнакарэйскім выпрабаваннем ракеты і сумеснымі вучэннямі Паўднёвай Карэі і ЗША.