В.Юшчанка: «Куды падзелася беларуская мова?»
Сёньня прэзыдэнт Украіны Віктар Юшчанка на прэс-канфэрэнцыі выказаўся супраць наданьня расейскай мовы статусу другой дзяржаўнай.
У якасьці кепскага прыкладу наступстваў падобных рашэньняў Юшчанка прывёў лёс беларускай мовы:
«Спэкуляцыі на тэмы мовы — гэта таксама праца супраць Украіны. Мне сёньня хочацца спытаць: куды падзелася ірляндзкая мова? Куды падзелася беларуская мова? Куды падзеліся дзясяткі моваў, дзяржавы якіх пайшлі па той формуле, якую нам сёньня сёй‑той навязвае. Я перакананы, што гэта не палітыка Ўкраіны, а спэкуляцыі, на якіх хтосьці яшчэ можа зарабляць палітычныя дывідэнды. Я выступаю супраць гэтага».