Міністр абароны Беларусі знаходзіцца з візітам ва Украіне
Міністр абароны Беларусі генерал-лейтэнант Юрый Жадобін на чале дэлегацыі беларускага ваеннага ведамства прыбыў 8 кастрычніка з афіцыйным візітам ва Украіну.
Як паведамляе прэс-служба Мінабароны Беларусі, падчас візіту плануецца правядзенне двухбаковых сустрэч з кіраўніцтвам Міністэрства абароны Украіны, у рамках якіх будуць разгледжаныя пытанні далейшага развіцця ваеннага і ваенна-тэхнічнага супрацоўніцтва.
Беларуская дэлегацыя плануе наведаць Міжнародны цэнтр міратворчасці і бяспекі ўзброеных сіл Украіны, Акадэмію Сухапутных войскаў, шэраг вайсковых частак.