У Гомелі загінуў студэнт, які па рыштаваннях лез у інтэрнат да сяброў на чацвёрты паверх
11 лістапада ў 00.15 каля інтэрната Гомельскага дзяржаўнага ўніверсітэта на вуліцы Савецкай быў знойдзены труп з характэрнымі прыкметамі падзення з вышыні студэнта гэтага ВНУ, жыхара Буда-Кашалёва 1992 года нараджэння.
У ноч з 10 на 11 лістапада студэнт 4-га курса спрабаваў падняцца ў пакой на чацвёрты паверх па будаўнічых рыштаваннях, зманціраваных каля фасада будынка.