У цэнтры Гродна знайшлі мёртвым 19-гадовага хлопца — відэа
Абноўлена.
У Гродне высвятляюць прычыны гібелі хлопца, знойдзенага мёртвым у цэнтры горада.
Пра гэта паведаміў БелТА афіцыйны прадстаўнік Следчага камітэта па Гродзенскай вобласці Сяргей Шаршаневіч.
Труп быў знойдзены ў панядзелак у паркавай зоне цэнтральнай часткі абласнога цэнтра ў месцы ўпадзення ракі Юрысдыка ў раку Гараднічанка. Знайшоў яго школьнік
На целе юнака не было выяўлена бачных слядоў гвалту, у кішэнях адзення знойдзены 50 тыс. рублёў і акумулятар для мабільнага тэлефона.
Загінулы быў жыхаром Гродзенскага раёна 1994 года нараджэння, які тры дні таму пайшоў з дому і быў аб'яўлены ў вышук.
Гродзенскім міжраённым аддзелам Следчага камітэта праводзіцца праверка.