З былых палітвязняў спаганяюць грошы за турэмныя робы праз два гады пасля вызвалення
Бабруйская калонія судзіцца з удзельнікамі Плошчы-2010.
Сяргей Казакоў на суд 16 снежня не пайшоў. Гэта грамадзянскі пазоў Бабруйскай калоніі, дзе малады чалавек адбываў пакаранне.
«Мне дзіўна, што калонія ўспомніла пра мяне праз два з паловай года і адразу ў судовым парадку вырашыла спагнаць грошы — 160 061 рублёў».
Па яго словах, гэта грошы за робу, якую выдавалі ў калоніі.
У Змітра Дразда суд адбудзецца 27 снежня. Прэтэнзіі тыя ж.
Казакоў і Дрозд выйшлі на свабоду ў жніўні 2011.