МАЗ пратараніў «Мерсэдэс» на трасе «Мінск-Гомель» - фота
Здарэнне адбылося сёння на 42-м кіламетры аўтадарогі «Мінск — Гомель»
http://mchs.gov.by
Каля вёскі Маставая сутыкнуліся два грузавікі — Mercedes-Benz 410 і МАЗ. Высветлілася, што вадзіцель МАЗа не даў рады з кіраваннем і пратараніў грузавы фургон.
На месца аўтааварыі прыехалі выратавальнікі і дзве брыгады хуткай дапамогі.
У выніку здарэння пацярпеў кіроўца Mercedes-Benz 410, якога выратавальнікі даставалі з кабіны з дапамогай гідраўлічнага спецінструмента. Кіроўцу, які атрымаў цяжкія пашкоджанні, як і пасажыра МАЗа, шпіталізавалі.