Лукашэнка не паехаў у Віцебск, бо ўзровень фармальдэгіду ў цэху першапачаткова быў перавышаны ў пяць разоў ВІДЭА
На нарадзе па пытаннях развіцця канцэрна Беллеспаперапрам Лукашэнка пацікавіўся, чаму пасяджэнне не праходзіць у Віцебску, як планавалася.
Кіраўнік вобласці Аляксандр Косінец адказаў наступнае: «Нізкая эфектыўнасць вентыляцыйнай сістэмы фармовачнага прэсу, узровень фармальдэгіду першапачаткова перавышаў у пяць разоў межава дапушчальныя канцэнтрацыі, а цяпер перавышае ў два разы, таму ў цэху знаходзіцца без рэспіратара шкодна».
Гэта крыху ўзлавала Лукашэнку.