Паўабаронца «Барусіі» будзе лячыцца ў Крыме ў расійскім вайсковым шпіталі
Адзін з вядучых гульцоў дортмундскай «Барусіі» паўабаронца Ілкай Гюндаган, які прапусціў сёлетні сезон амаль цалкам з-за праблем з хрыбетнікам, пройдзе лячэнне ў расійскім вайсковым шпіталі ў Крыме.
Пра гэта паведамляе нямецкі тэлеканал Sport1.de.
Бацька і агент 23-гадовага хаўбека Ірфан Гюндаган ад каментароў пакуль адмовіўся.
Адзначаецца, што клуб сам даў гульцу права выбару, дзе праходзіць аднаўленне.
Раней стала вядома, што Гюндаган прапусціць не толькі канцоўку сезону, але і чэмпіянат свету. У апошні раз хаўбек выходзіў на поле ў жніўні 2013 года.