Зоркі ўкраінскай эстрады заспяваюць на Днях Расіі ў Крыме
Таісія Павалій заспявае на святкаванні Дзён Расіі ў Ялце.
У канцэрце, з якога стартуе вакальны конкурс «Пяць зорак», прымуць удзел расійскія спевакі, а з украінскай павінны быць Ані Лорак і Таісія Павалій.
Прадзюсер і муж спявачкі-дэпутата Ігар Ліхута пацвердзіў удзел Павалій на правядзенні дзён Расіі.
Той факт, што Крым акупаваны расійскімі войскамі, прадстаўнікоў шоу-бізнесу не турбуе.
«Мы не ваюем, у нас няма слова «вайна», у нас ёсць пэўныя праблемы, на пэўнай тэрыторыі. Мы артысты, нас запрашаюць на фестываль. У нас у краіне, на жаль, нічога не праходзіць. Мы вырашылі прыняць запрашэнне», - сказаў Ліхута.
«Таісія — артыстка, яна спявае для людзей», — дадаў муж спявачкі.
Раней Павалій падтрымлівала прэзідэнта Януковіча.