Пентагон: Кітай летась патраціў на абарону $145 млрд
Выдаткі на абарону Кітая ў мінулым годзе склалі 145 млрд даляраў, што на 20% пераўзыходзіць афіцыйныя лічбы, агучаныя кітайскімі ўладамі, гаворыцца ў штогадовай справаздачы Міністэрства абароны ЗША.
Як удакладняе Пентагон, Кітай траціў сродкі на мадэрнізацыю ваенна-марскіх сіл і авіяцыі, а таксама на развіццё тэхналогій для кібервойнаў.
Кітайскія ўлады адкінулі крытыку ЗША, заявіўшы, што тыя перабольшваюць пагрозу з боку Кітая.