У Эстоніі вырасла колькасць свабодных працоўных месцаў
У першым квартале 2014 на эстонскіх прадпрыемствах, ва ўстановах і арганізацыях было 7200 вакансій, што на 13% больш, чым у папярэднім квартале і на 3% больш, чым у аналагічны перыяд мінулага года.
Каэфіцыент свабодных працоўных месцаў (суадносіны колькасці вакансій да агульнай колькасці працоўных месцаў) у першым квартале 2014 складаў 1,3%.
Самы высокі каэфіцыент вакансій быў у сферы паслуг (3,3%), а самы нізкі — у сферы нерухомасці (0,04%). Да сферы паслуг належаць пральні, хімчысткі, салоны прыгажосці, рамонт камп'ютараў і тавараў першай неабходнасці.