У вёсцы пад Лельчыцамі знайшлі павешанымі двух маладых мужчын
У вёсцы Сярэднія Печы Лельчыцкага раёна 10 чэрвеня мясцовыя жыхары знайшлі павешанымі двух маладых мужчын 22 і 23 гадоў.
Адзін з іх працаваў трактарыстам у мясцовым сельскагаспадарчым прадпрыемстве, другі быў студэнтам Мазырскага педагагічнага ўніверсітэта.
Як паведамілі жыхары вёскі Сярэднія Печы, загінулыя не былі жанатыя, жылі з бацькамі. Пра прычыны магчымага самагубства аднавяскоўцы не выказваюцца.
У Лельчыцкім РАСК пацвердзілі інфармацыю пра смерць дваіх вяскоўцаў, дадаўшы, што праводзіцца праверка.
Адна з версій гібелі хлопцаў — самагубства. Ці звязаны магчымыя суіцыды паміж сабой, пакуль невядома.