Выбух у шахце пад Данецкам: дзевяць гарнякоў зніклі
Выбух газапаветранай сумесі адбыўся ўначы ў чацвер, 12 чэрвеня, у шахце «Гранд-Інвест Плюс» у Данецкай вобласці Украіны. У забоі ў момант здарэння знаходзіліся дзевяць гарнякоў, іх лёс пакуль невядомы.
У пошукава-выратавальных работах задзейнічаны чатыры аддзяленні Дзяржаўнай ваенізаванай горнавыратавальнай службы Мінэнергавугаля.
Выбух у шахце, якая знаходзіцца ў горадзе Кіраўскае Шахцёрскага раёна, адбыўся на глыбіні каля 300 метраў. Узгарання пасля выбуху не ўзнікла. Працы на шахце часова прыпыненыя.