Ратавальнікі дасталі з каналізацыйнага калодзежа мужчыну ў стане алкагольнай комы
У Крычаве ратавальнікі дасталі мужчыну ў алкагольнай коме з каналізацыйнага калодзежа.
Мужчына 1960 года нараджэння 12 чэрвеня па неасцярожнасці зваліўся ў каналізацыйны калодзеж ля фізкультурна-аздараўленчага комплексу. Глыбіня калодзежа - 4 м, дыяметр - 1,5 м. Сам выбрацца ён не мог.
Пасля даставання пацярпелага шпіталізавалі ў рэанімацыйнае аддзяленне ў стане сярэдняй ступені цяжкасці з папярэднім дыягназам «алкагольная кома».