Алена Масла і Раіса Баравікова перайшлі ў незалежны Саюз пісьменнікаў
Раіса Баравікова. Алена Масла.
Рада Саюза беларускіх пісьменнікаў прыняла рашэнне прыняць іх у свае шэрагі.
Баравікова, між іншым, раней была сябрам арганізацыі. Але пакінула яе пасля стварэння праўладнага Саюза пісьменнікаў на чале з Мікалаем Чаргінцом. Супрацоўнікаў дзяржустаноў, якімі былі Масла і Баравікова, вымушалі ўступаць у новую арганізацыю.
Летась з Саюза пісьменнікаў Беларусі Чаргінца выйшлі адразу некалькі творцаў: Андрэй Федарэнка, Алесь Наварыч, Алена Масла, Раіса Баравікова, Валер Гапееў. Яны называлі далейшае сяброўства ў тым Саюзе несумяшчальным са сваімі маральнымі прынцыпамі.