На выхадных — фэст у Будславе. Расклад
Кожны год урачыстасці ў Будславе збіраюць дзясяткі тысяч чалавек. Сёлета адной з асаблівасцяў святкавання будзе наведванне крыжа Сусветнага дня моладзі. Сёлета ўрачыстасці праходзяць пад дэвізам «Марыя – узор малітвы».
Будслаў-2013, фота Сяргея Гудзіліна
Перад гэтым крыж і абраз Маці Божай Сусветнага дня моладзі будуць пілігрымаваць па дарогах архідыяцэзіі разам з пешымі пілігрымамі.
Пілігрымкі ў Будслаў адбываюцца з усёй Беларусі. Штогадовыя пілігрымкі да санктуарыяў Маці Божай збіраюць тысячы вернікаў з розных старонак Беларусі. Кожны з цудадзейных абразоў Багародзіцы з’яўляецца не толькі сведкам магутнага дзеяння Божай ласкі, але таксама гаворыць аб багатай хрысціянскай гісторыі нашага краю і народа.
Папярэдняя праграма ўрачыстасці Маці Божай Будслаўскай 2014
4 ліпеня, пятніца
- 13.00 — 17.00 — сустрэча і прывітанне пілігрымаў кусташам санктуарыя
- 16.00 — прынясенне крыжа і абраза Сусветнага дня моладзі
- 18.00 — cвятая Імша для пілігрымаў
- 20.30 — Акафіст у выкананні хору Грэка-Каталіцкай Царквы
- 20.30 — Ружанец спяваны
- 21.00 — марыйныя Нешпары
- 22.00 — рахунак сумлення
- 22.45 — адарацыя крыжа Сусветнага дня моладзі
- 24.00 — працэсія з копіяй абраза Маці Божай Будслаўскай, cвятая Імша
5 ліпеня, субота
- 02.00 — моладзевая праграма ў палатачным гарадку. Зайграе гурт «Laudans»
- 02.00 — святая Літургія паводле грэка-каталіцкага абраду
- 04.00 — адарацыя Найсвяцейшага Сакрамэнту
- 05.30 — Гадзінкі аб Беззаганным Зачацці Найсвяцейшай Панны Марыі
- 06.00 — святая Імша
- 06.30 — Крыжовы шлях
- 07.30 — фацімскі Ружанец
- 09.00 — святая Імша
- 10.15 — прэзентацыя рэлігійнай літаратуры выдавецтва «Про Хрысто»
- 11.00 — святая Імша. Выстаўленне Найсвяцейшага Сакрамэнту. Эўхарыстычная працэсія з копіяй абраза Маці Божай Будслаўскай. Развітанне з крыжом Сусветнага дня моладзі. Ушанаванне рэліквій св. Яна Паўла ІІ.