У Мінску затрыманы ўдзельнік адзіночнага пікета супраць палітыкі Пуціна
12 снежня ў Мінску каля выхаду са станцыі метро Купалаўская, актывіст «Альтэрнатывы» (зарэгістраваная ў Латвіі) Аляксей Шубара правёў адзіночны пікет супраць палітыкі Пуціна і распальвання Трэцяй сусветнай вайны.
У руках ён трымаў плакат: «Людзі! Трэба тэрмінова спыніць Пуціна! Не дапусцім III сусветнай вайны!», на плячах яго быў бел-чырвона-белы сцяг.
Праз 10 хвілін да яго пад'ехаў мікрааўтобус, Аляксея аператыўна затрымалі супрацоўнікі АМАПу і павезлі ў невядомым кірунку. У цяперашні час сувязь з ім адсутнічае.
Такім чынам Аляксей Шубара вырашыў выказацца супраць палітыкі Крамля, у прыватнасці, супраць правакавання ваеннага канфлікту ва Украіне, а таксама выступіць у абарону міру і спакою.