Гіркін-Стралкоў заклікаў Расію прызнаць, што яна ваюе ва Украіне
Пра гэта ён сказаў у інтэрв'ю сепаратысцкаму Anna-News.
«Мы ўжо ваюем. Можна яшчэ доўга хаваць галаву ў пясок, але краіна, з якой адпраўляюцца добраахвотнікі, пакуль добраахвотнікі, едуць ваяваць, і ёсць месца, дзе яны могуць ваяваць, дзе ім дадуць зброю, дзе яны атрымліваюць боепрыпасы, — гэта ўжо ваюючая краіна», — заявіў Гіркін.
Пры гэтым ён дадаў, што «мы вельмі дзіўна ваюем: мы пастаўляем суперніку і вугаль, і электрычнасць».
«Але ў нас у Босніі тое ж самае было», — падзяліўся Стралкоў.