Памерла дырэктар выдавецтва «Пачатковая школа»
Наталлі Ванінай не стала пасля цяжкай хваробы.
Фота p-shkola.by.
Дырэктар і галоўны рэдактар выдавецтва «Пачатковая школа» памерла 5 студзеня. Наталлі Ванінай было 64 гады.
Яна нарадзілася ў Гомелі. Скончыла факультэт журналістыкі БДУ. Працавала ў наваполацкай і полацкай раённых газетах, «Мінскай праўдзе», «Настаўніцкай газеце», памочніцай міністра асветы БССР. З 1991 года была галоўным рэдактарам часопіса «Пачатковая школа», а з 2001 і дырэктарам выдавецтва.
За працу адзначана знакамі «Выдатнік друку Беларусі», «Выдатнік адукацыі Рэспублікі Беларусь», медалём «За працоўныя заслугі».