Будаваць дамы на 3D-прынтарах у Беларусі плануюць праз пяць год
Аб планах па выкарыстанні 3D-прынтарах у будаўніцтве заявіў на анлайн-канферэнцыі БелТА намеснік старшыні прэзідыума Акадэміі навук Сяргей Чыжык.
Выява: ibtimes.com
Галоўнае ў будаўніцтве па тэхналогіях 3D-прынтараў — правільна падабраць матэрыял, сцвярджае Чыжык. Паводле яго слоў, беларускія навукоўцы абмяркоўваюць распрацоўку адпаведных бетонаў хуткага зацвярдзення.
«Калі гэта запрацуе? Я думаю, што пяць год — і будзем карыстацца. Зараз усё хутка робіцца», — сказаў намеснік старшыні Нацыянальнай акадэміі навук адносна магчымасці будаўніцтва дамоў з дамамогай 3D-прынтараў.
Такі метад дасць эканомію матэрыялаў і мінімізацыю адкідаў, дазволіць будаваць складаныя канструкцыі літаральна ў адзін падыход. Такім шляхам у Шанхаі будуюць па 10 дамоў на дзень.
Чытайце таксама:
У Беларусі плануецца вытворчасць 3D-прынтараў
Беларуская прамысловасць пачынае асвойваць 3D-друк
3D-прынтар для ежы будзе каштаваць менш за 2 тысячы даляраў