Караткевіч: Някляеў першым адгукнецца, калі мне давядзецца ўдзельнічаць у прэзідэнцкай кампаніі
«Уладзімір Пракопавіч першым адгукнецца, калі мне давядзецца ўдзельнічаць у прэзідэнцкай кампаніі, і ён увойдзе ў каманду маіх (нашых) давераных асоб. Таму што мы давяраем адно аднаму», —
так пракаментавала сыход Уладзіміра Някляева з кампаніі «Гавары праўду» яе актывістка Таццяна Караткевіч, якую 7 красавіка рэспубліканскі савет кампаніі вырашыў вылучыць кандыдатам у прэзідэнты.
«Шквал званкоў: што стаіць за яго заявай пра сыход з актыўнай палітыкі? Гэта — жыццё. Але ён застаецца маім настаўнікам і сябрам», — напісала Караткевіч на сваёй старонцы ў сацыяльнай сетцы «Фейсбук».
Лідар грамадзянскай кампаніі «Гавары праўду», кандыдат у прэзідэнты Беларусі на выбарах 2010 года Уладзімір Някляеў 8 красавіка заявіў пра выхад з апазіцыйных структур.