У Мінску стартавала ўступная кампанія ў гімназіі
Першы іспыт (дыктоўка па рускай мове) для паступлення ў 5-я класы гімназій мінскія школьнікі здадуць сёння.
Кантрольную работу па матэматыцы навучэнцы напішуць 4 чэрвеня, дыктоўка па беларускай мове — 6 чэрвеня, экзамены па асобных відах мастацтваў чакаюць іх 8 чэрвеня.
Пачатак уступных выпрабаванняў запланаваны на 11.00.
Тэксты і заданні абвесцяць па радыё і тэлебачанні прадстаўнікі Міністэрства адукацыі. Загады аб залічэнні ў гімназіі будуць гатовыя да 12 чэрвеня.